तुझ्या माझ्या प्रेम प्रकरणाचा
जमा खर्च एवढा पाहुन जा
तु मला दिलेंल घेऊन जा
मी तुला दिलेंल देऊन जा
स्वीट होममध्ये कित्येकदा खाल्ले
आपण कचोरी सामोसे
आत्ता पर्य़ंत नेहमी मीच भरत आलो
बिलाचे सर्व पैसे
आज अखेरचं जाऊ पोटभर कचोरी खाऊ
किमान या बिलाचे पैसे तरी भरुन जा
लेक्चर बुडवून मी फ़र्स्ट शोचं
एँडव्हान्स बुकिंग करायचो
अन आठवड्यात एक तरी
नाटक किंवा सिनेमा दाखवायचो
नाटकाचे माफ़ करतो
मात्र सिनेमाच्या तिकीटाचे पैसे देऊन जा
आपलं हे प्रेम प्रकरण
तुझ्या पैलवान भावाला कळलं जेव्हा
एवढं बेदम ठोकलं मला
मी मरता मरता वाचलो तेव्हा
चार दिवस दवाखान्यात पंधरा दिवस अंथरुणात पडुन होतो
भावाच्या वतिने तु माझी माफ़ी मागुन जा
मी कुठुन तरी नोट्स मिळवायचो
परीक्षेच्या काळात मात्र तुला द्यायचो
मग तुला नेहमी फ़स्टक्लास मिळायचा
माझा मात्र एक तरी बॅकलाँग रडायचा
आता मात्र आँल क्लिअर व्हायला हवं
म्हणूनच माझ्या नोट्स मला परत देऊन जा
No comments:
Post a Comment